الشخلوبه

قرية الشخلوبة تعتبر القرية الوحيدة على حدود بحيرة البرلس الجنوبية والطريق حتى القرية أثناء الذهاب هياخد 4 ساعات عن طريق كفر الشيخ – سيدى سالم للى يحب يشوف الخريطة. هندخل فى أدغال كفر الشيخ وطرق بين القرى متعبة وكلها مطبات فيهم 15 كم غير ممهدين عبارة عن مدق صعب شوية.
كل ده عشان نوصل للقرية اللى مش كتير يعرفوها واللى فعلاً طريقها صعب شويتين واللى تعتبر معزولة بشكل طبيعى وفى موقع فريد.
الناس هناك فى غاية الطيبة والكرم ومن أهداف رحلتنا أننا ننشط الدنيا هناك والأهالى تستفيد ونعمل حركة رواج أقتصادى من السياحة وده بدأ بالفعل لما جروبات كتير بدأت تعرف المكان وتروح هناك من رحلاتنا المستمرة من 11 سنة لما أكتشفناها.
بعد كده هناخد لنش ساعتين فى البحيرة ونشوف حلقات السمك ومزادات السمك وهنرجع نفطر ونشرب الشاى.
بعد كده هناخد ساعتين بالمينى باص عشان ننتقل من حدود البحيرة الجنوبية للحدود الشمالية مع الطريق الدولى الساحلى ومدينة برج البرلس والبحر الأبيض المتوسط.
هنقضى اليوم وهنتغدى على البحر ونتصور مع البيوت الملونة وهنكمل اليوم على البحيرة ونصور الغروب.
بعد كده هنرجع على القاهرة والطريق هياخد 3 ساعات إن شاء الله.
هدفنا مش ربح مادى بدليل أننا أرخص رحلة بتروح هناك مع فرق كبير فى ما تشمله الرحلة.
دى شوية معلومات للناس اللى كانت بتسأل عن تفاصيل البرنامج والمكان والناس اللى عاوزة تعرف أزاى تروح.

الشخلوبة #كفرالشيخ #بحيرةالبرلس

سافر

مصرالتىلا_تعرفونها

ابراهيم_عبيدى

تحيا_مصر‬ ⁧‫#مصر‬⁩

‏⁧‫#عماريامصر‬⁩ ⁧🇪🇬🌹